زعلت منى ليه..اه..ليه..ليه يا حبيبى

وزعلت ليه ؟
علشان مشيت !!!
علشان قدرت ابعد بعيد !!

كنت في ايديك
قدام عينيك
وجرحت فيا
وبكيت عينيا

ودلوقت قال زعلان عليا !!

ده انا يوم ما جيت
بجري عليك
محتاجة منك نظرة أمان
كلمة بحنان
تمنعني اني ابعد وأغيب

بصيت لقيت ردك غريب ...

حسيت يوميها اني بعيـــــد
مش خطوتين بينا أكيد ..

ممكن اكون لامسة ايديك
وعيني في عينيك
لكن مكاني كان بعيـد

مش هو ده قلب الحبيب
ولا هي دي نظرة عينيه

وعايزني أفضل تاني ليه ؟

لازم اكون في مكان جديد
ابعد كتير من الخطوتين

يمكن تحس بجنتي
أو دمعتي في لحظة وداع

عارفة قراري كان شديد
لكن أكيد مش من فراغ

وان كان في يوم صعب عليك
فأكيد ده كان ليا الضياع

لكن خلاص لازم أفوق من غفوتي
وأبعد بعيـــد

يمكن ألاقي أمل جديد
يمسح في يوم دمعتي

وفي النهاية ألقاك هناك
واقف بعيـــــد
زعلان علشان خدت القرار

وزعلت ليه !!
ليه !!!!!!!!