من يوم ماجيتني صارت الدنيا تمام

تدري إني كل ليله ألتحف همي
وأنام

بعد ماأسيل دموع تغرق بها
وسادتي..{



تدري إني كل ليله أسهر بوسط
الظلام ..
وتنعرض قدام عيني كل خطوه
بدنيتي ؟؟



تدري إني لاحكوا لي بناس عاشوا
في سلام ..
أحسد العالم وتخنقني
عبرتي ..



تغرق عيوني دموع وينعدم مني
الكلام ..
وأمسح دموعي بكمي لاتشوفه
ميمتي ..


تدري إني عشت والله ماأحكي همي
للأنام ..
والله مايدري بدمعي غير أنا
وسجادتي ..


تدري مره كنت أسولف وأضحك
بوسط الكلام ..
وسألوني ليه دايم أخفي همي
بضحكتي ؟؟



قالوا :
وش هذا ؟! أرحم حالك
حرام ..
قلت :
أنا كلي فرح مابه هموم .. وهاذي بسمتي !


تدري إني كل ليله أدعي الله لين
أنام ..
أنه يرزقني صديق يقاسمني
وحدتي ..


فجأه ياحبي تخيل أمتلى قلبي
غرام ~..
صرت إسم من مسمى وصرت طعم
لفرحتي ..


يوم جيت أنت بحياتي صارت الدنيا
تمام ~،
وأنقلب حالي تخيل صار طعم
للقمتي ..


قلتي لي دامي معك راح أبدد
هالظلام..
الله يجمعني معك ياكل
دنيتي }~