الولد بيحب الصفات دي في البنت ..!!

السلام عليكم ورحمة الله

أولا : الولد بيحب البنت الرقيقة

رفعوا صوتكم يا بنات .

و أول ما تشوفى حاجه وحشة ..يغمى عليكى من كتر الرقة

عيطى كتير . العياط دليل على الاحساس المرهف نكدى عليه الليلة .

ثانيا: الولد بيحب البنت الرومانسية

سبلى له .اسرحى كتير كلميه عن القمر و حاجات من دى .قوليله شايف القمر يا عتريس

لازم تكونى هيمانه و انتى بتتكلمى . و يكون صوتك واطى .. وشوشة .

ثالثا : الولد بيحب البنت المؤدبه

قولى له انه اول واحد فى حياتك حتى لو كنتى متجوزة قبل كده و حامل فى توأم..

و لو سأل على انتفاخ بطنك قولى له ده كيس دهنى

و لو عارف و متأكد انه كان لك علاقات كثيرة قبله دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت style

كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه ..

مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..

دى بتغير منك و مش عايزاكى تبقى على الموضه .

ملحوظه : لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها .

خامسا :الولد بيحب البنت الدلوعة

ادلعى ياختى انت و هى .

سادسا : الولد بيحب البنت الجذابه اللى بتكون محور اهتمام الآخرين

فهميه ان في آخرين كتير معجبين بيكى

و قولى له : ارجوك اوعى تغير انا حواليا كتير .

ولا بيهمنى أبدا منهم ايه يعنى اكون حلوة فى عينهم .

ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .

سابعا : الولد بيحب البنت اللى بتحسسه برجولته و تحسسه بنفسه

ايه ده ! .. ايه العضلات دى كلها .. دى احلى عضلات شفتها فى حياتى .

. يا سلام !! ايه الشياكة دى كلها . انت أشيك ولد شفته فى حياتى .

.(مش مهم هو لابس ايه . انبهرى و خلاص ) .

يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه .

و فرحان بنفسه .

ثامنا : اتمحكى فيه ( الزقي له )خليكى دايما معاه

كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا

يشوفش غيرك ادامه . روحى له الشغل

اكبسى عليه مع السكرتيره .

تاسعا: عددى مواهبك

اكلك لازم مظبوط

قوليله انا ملحى فى الاكل لا كتير ولا قليل وبعمل شاى سكر زياده . وبلون البيض المسلوق .

عاشرا: رغم حبك الشديد للحريه والانطلاق

قوليله انت مالك وقتى وتفكيرى مش عارفه اعمل حاجه الا انى افكر فيك . مليت على ايامى شغلت لى الزمن
لكم مني كل الحب

مـاجــــــــــــد

شكراااااا يا ماجد على الكلام الجميل دة

تقبل مرورى

nono كتب:: شكراااااا يا ماجد على الكلام الجميل دة

تقبل مرورى

وشكرااااا نونو علي مرورك الجميل دهـ

لا تحرميني من عطر مرورك

انا رايي ان الانسان عموما لازم يكون على طبعته مهما كانت وما يحاولش يغيرها الا فى حاله واحدة اذا كانت فعلا سيئه لكن عموما الصراحة والصدق احسن شى وال عاجبه عاجبه وال مش عاجبه خلاص وان لو فى حب لانسان لازم تحب كل ما فى و ببعيوبة قبل مميزاتة لان لو دة حصل حيكون اكيد حب حقيقى (وجهه نظرى) flower

ايه ده يا ماجد انت عايزنا نلزق فيه ولا ايه
احنا لازم نتقل برده
هههههههههههههه
ميرسى يا ماجد على الكلام الجميل ده

السلام عليكم ورحمه الله وبركاته
بص ياسى ماجد اصل انت هتخلينى بجد اشد فى شعرى منك
عموما اللى بيحب دايما بيتغير عشان يحاول يرضى اللى بيحبه
بيحاول يسعده باى شكل
بس عموما ياماجد مفيش حاجه فى زمنا ده اسمها حب لغرض الحب
دلوقتى كله بحب مصلحه
انت عندك كام علشان تساوى كام
والله لو قرد وعنده فلوس هيبقه فى نظرها احلى واحد فى الدنيا
والعكس صحيح
بس عموما شكرا عليك ياماجد
سلام

؟؟؟؟

اللى بيحب حد بيحاول يرضيه دايما
على العموم شكرا على الكلامد ده


شكراااااا يا ماجد على الكلام الجميل دة تقبل مرورى

» اثبات ان البنت واخدة حريتها اكثر من الولد ...
» إزاي تحرق دم البنت ،، وترفع ضغطها ..!!
» إزاي تحرقي دم الولد..!!
» الفرق بين الولد والبنت فرق شاسع
» هل حب البنت خيانه لاهلها