عروس تبكي في ليلة عرسها

بسم الله الرحمن الرحيم




هذي خاطره قريتها والمت قلبي كثيرا




الله لايفرق حبيب عن حبيبه







في




ليلة عرسها تبكي ..




حزينه وقلبها يحكي ..





يقول الحمد لك ربي على كل حال ..





على الصحه .. على النعمه ..




على قلب شكى همه ..












تجيها أمها وتقول ..





خلاص يا بنيّتي إنسي ..





قوّي قلبك الحاني وإقسي ..




نصيبك هو نصيبك ..

تجاوبها ..





أبي أعرف ..





أبوي شلّي استفاده الحين .. !




لو ذابحني كان ابرك ..









وهو يسمع اسم غيره !!






تجيها أمها وتقول ..





خلاص فضيها من سيره ..





خلاص يا بنيّتي إنسي ..




قوّي قلبك الحاني وإقسي ..












بقولك شي يا يمّه .. وخليها من الأسرار ..





أبكتب له رسالة شوق ..





بشاكيه الألم والعوق ..




عقب ما أنتهي منها ..




على طول بلغيني بآخر الأخبار ..






ربع ساعه يا يمّه ..

عطيني بس ربع ساعه ..





أبكتب له عن اللي طفّى ما في القلب ولاعه ..




أبكتب له الين دمع القلم ما يجف ..













تقول فيها ..







سلاماتي .. تحياتي .. وأشواقي الشديده





على اللي روحه قبالي .. وأنفاسه بعيده









على اللي افترقنا غصب عن عيني وعينه





بعد ما كنت انا وهو نحلم بلحظه سعيده









بعيش بغربتي لحالي .. وهو الله يعينه





يكمّل نصفه الثاني .. ويلقى من تريده









مثل ما قالت امي .. ما لنا إلا قدرنا





والا من زمان المفترض إيدي بإيده









يسامحك الله يالوالد .. على عمر قتلته





بعد ما ماتت ابنيتك وش اللي بتستفيده









أنا آسفه على اعذاري .. وربي غصب عني



نعم بتزوّج فلان .. بس بعيش عمري وحيده









محّد ممكن انّه يملا عيوني بدونك





تذكّر كلمتي هذي .. أنا ف حبّك شهيده









تذكّر كلمتي أرجوك .. لأنها من فؤادي





فؤادي اللي ذبحوه اليوم.. وطعنوه ف وريده









تذكّر كلمة فيها شعوري وما طرى لي





أنا ف حبك شهيده .. وذي ترى آخر قصيده









وجتها الوالده عندها ..





وهي تحاول تغض الطرف ..





وتسألها ..




وش اللي بداخله هالظرف !












على هونك يا يمّه ..





على هونك ..





خلاص اطّمني انتي ..




برسل ما كتبتي ..









وربي كان أهون لو يكفنوني .. !!

تسافر لاجل تقضي في فرنسا .. شهر العسل ..





والمكتوب للعاشق وصل ..!




وهي مع زوجها تضحك ..












وحانت ساعة الردة ..





بعد ما طالت المدة ..





وموعدهم بعد ساعات ..




لاجل ما توصل الرحله على أرض الدمام ..





تطير البنت ناحية أمّها ..


اشتقت لك حيل يمّه .


وهاتي حضنك الدافي .



ترى مشتاقه أضمّه ..



بعد ما ارسلتها ..



صرت انتظر منّه خطاب ..


ومرّت ايام وليالي وساعات ..




بعد مدّه .. شهر أو يمكن شويه يزيد ..



مات !!!




تحياتي لكم

بجد موضوع جميل
ويارب كل اتنين اتقابلوا وعاشوا الحب مع بعض مايفرقهم انسان مهما كان
ومرسى ياابو عدنان تسلم ايدك