من يوم حبيتك وانا عايش بهم

وكل يوم والثاني تزوّد بهمي

اشوف منك الحزن واذوق هالسم
صبيت بيدك سم في وسط فمي

عندك سعاده شوفتي عايش بغم
ويقهرك لو فرحي لفى بيوم لمي

ولو شفت جرحٍ داخل القلب يلتم
سددت طعناتك وسيحت دمي

عايش انا بظلمك كما بلليل مظلم
وصرت تتفنن ياحبيبي بظلمي

الحزن با اسبابك ترى بدنيتي عم
والموت صار اقرب من اطراف كمي

حبي معاك اليوم قصره تهدم
واصبحت انا طايح ومكسور عظمي

ودامك ياعمري تفرح اني اتالم
ويسعدك حزني ياحبيبي وهمي

لالايهمك لاولا يوم تهتم
ماظنتي عطر السعاده بشّمي

ابشر حبيبي افرد حجاجك ونم
نادتني جروحي وانا قلت سمي

هذي حقيقه كان ماكنت تعلم
سعادتك أغلى امنياتي وحلمي