انتى زوجة مش نافعة .......ومكنش ليكى جواز

السلام عليكم ورحمة الله وبركاته

:

عمرك سمعتى العبارة دى ................

(انتى زوجة مش نافعة ومكنش ليكى فى الجواز
ده كان يوم اسود يوم ما اتهببت واتجوزتك)

تعالو بقى نعرف ازاى نتجنب اننا نسمع العبارة المأثورة دى

هناك مواقف لو عرفتها الزوجات ستكون زوجة مثاليه من الدرجة الاولى
وهى

عدم الاهتمام

فاذا دخل الزوج البيت فعلى الزوجة ان تهتم بوجوده
ولازم تحسسه انها كانت فى انتظاره ومشتاقاله
ولازم تسيب كل اللى فى ايديها من طهى او مشاهدة تليفزيون او حتى حديث فى التليفون.
لتستقبله بابتسامه جميلة تاركة اسلحة (البوز والنكد)
اما اذا استخدمتى هذه الاسلحة المعتادة فلن يلومه احد اذا قال :
انك متنفعيش زوجة

الطهى وشئون المنزل

الاعمال المنزليه عامل مهم جدا فى الحياة الزوجية
وخاصة اذا كان الزوج يحب الاكل من ايدك انتى او يحب التنسيق والنظام
وما تتضايقيش لو مكنش بيساعدك فى اعمال البيت
او امكانياته المادية مش مساعداه انه يجيب لك خدامة تساعدك
وما تنسيش
ان القاعدة الاساسية اللى بيشترك فيها كل الرجالة هى انهم بيحبوا ياكلو من ايدك انتى وبس
حتى لو كان طبيخك مش قد كده
بس هو ده بقى مزاجه
انك تقفى فى المطبخ وتتعاملى مع التوم والبصل والزيت والسمنة وتعملى اى حاجة ياكلها
ومفيش شك طبعا انك لو بتحبيه هتحاولى تسعديه
وعلشان تسعديه لازم تحاولى تتعلمى كل الاصناف اللى بيحبها
ومرة بعد مرة هتلاقى نفسك استاذة فى عمل كل الاصناف
وما تنسيش المقولة الشائعة ان اقرب طريق لقلب الرجل هو معدته
وخلى بالك كويس اوى من لسانه
لانه لو منطقش بلسانه وزعق
هيقول بلسان حاله :
انا ايه اللى خلانى اتجوز بس . . . ده كان يوم . . . . . .

الثرثرة وافشاء الاسرار

من اسوأ الصفات اللى ممكن تتصف بيها اى واحدة ست هى الثرثرة وافشاء الاثرار سواء كان للحاجة مامتها او لاهلها او للصديقات والكلام على الفاضى والمليان عن كل صغرة وكبيرة فى حياتها مع جوزها
وهذا النوع من النساء لا يستطيع تحمل المسئوليه مع الرجل اطلاقا
ولذلك اتجنبى الكلام فى الامور التافهة قبل الامور الكبيرة لاقرب الناس ليكى
لانك بكده بترتكبى اكبر حماقة
لانك بتفضحى زوجك وبتفضحى نفسك و اخبارك هتكون مشاع للعائلة وخارج العائلة
تعلمى ان اسرارك مع زوجك لا تخرج لثالث
حتى مع وجود الخلافات والمشاكل الزوجية المعتادة
واذا مقدرتيش تلغى الطبع ده
فتاكدى انك متنفعيش زوجة

الغضب والعصبية

اذا كنتى عصبية وجوزك المسكين لسه مقلكيش الجملة المأثورة اللى فى اول الموضوع
فتاكدى تماما انك هتسمعيها قريب جدا جدا
فبسرعة حاولى تصلحى من نفسك وتخففى عصبيتك دى
ومفش داعى لافتعال المشاكل على اتفه الاسباب بحجة انك عصبية
وحطى اعصابك جوا تلاجه
وخصوصا لو كنتى ست بيت وما بتشتغليش وما بتواجهيش الضغوط اللى بتواجهها المراة العاملة
حاولى تمتصى انفعال زوجك بصوت هادى وكلمات رقيقة
ولو مقدرتيش يبقى سيبيه خالص لحد ما يهدى علشان ما تطلعش منك كلمة كدا ولا كدا تعصبه اكتر
وتلاقيه بيقولك انتى متنفعيش زوجه

المظهر

اختبرى مظهرك قدام جوزك
يعنى شوفى شكلك ومظهرك برا البيت وانتى مع اصدقائك او فى الشغل وقارنى بينه وبين شكلك ومظهرك وانتى مع جوزك
اذا كان المظهر مشابه او زيه
يبقى انتى كده كويسة
بس حاولى يكون مظهرك احسن من كده برضه وانتى معاه
وحاولى ابراز مفاتنك و اناقتك اكتر من كده مع جوزك
علشان ما يندمش انه اتجوزك
او يروح لواحدة تانية يلاقى عندها اللى مش عندك من الاهتمام بالمظهر والاناقة والنظافة
او ما يجيش فى يوم ويقولك انتى متنفعيش زوجه

بر الاهل

علاقتك ايه باهله؟
يا ترى بتحرصى على ارضاءه ببر اهله؟
ولا انتى من نوع الستات اللى بتفتعل المشاكل للاستحواذ على جوزها؟
لازم تعرفى ان اهم اسرار الزوجه المثاليه هى وصل ارحام جوزها فى المناسبات وفى كل وقت
ولازم انتى اللى تدفعيه للبر والى طاعة الله بايقاظه للصلاة

حاسبى نفسك

وحددى موقعك من الصفات دى
ولو لقيتى نفسك ما تمتلكيش الصفات دى
فاعرفى انك متنفعيش .....زوجة

تسلم ايدك يا ابو حميد وياريت كل واحد تقرى الكلام دة تنفذة والدنيا هتمشى ميت فل وعشرة

يا رب يا اخويا يا رب

» انتى حته منى
» انتى ياملاكى
» هل انتى جزره ام بيضة ام حبة بن مطحونه؟؟؟
» انتى لؤلؤة فلا تستعجلى الخروج من الصدفه؟؟؟
» هل تريد انتى فايروس اخف من الريشة واقوى من الصخر واشرس من الاسد تفضل ادخل