| يوميات مدرسه اجن من الطلبه | |
|
+15f.e.a الكابتن وليد no love vandam المعلم اسلام مقبل سندريلا medo العنيد sasoo مصطفى مقبل dx crazy girl 7oss ][جـاره القـــمر][ 19 مشترك |
|
كاتب الموضوع | رسالة |
---|
][جـاره القـــمر][ عضو فعال
الجنس : عدد المساهمات : 872 نقاط : 958 تاريخ تسجيلى : 28/06/2009 عمرى : 30 المزاج : 3aaady
| موضوع: يوميات مدرسه اجن من الطلبه الإثنين يونيو 29, 2009 3:07 am | |
| بسم الله الرحمن الرحيم
أنا مدرسة كمبيوتر
و الشغلانة النكد دى باشتغلها من ساعة ما اتخرجت يعنى من 3 سنين تقريباً
و للأسف السنة دى روحت أشتغل فى مدرسة جديدة غير مدرستى اللى كنت بادرس فيها للأطفال الصغننين
المهم انى فى المدرسة دى لما قروا الابلكيشن بتاعى و عرفوا انى دارسة فيجوال بيزيك ( الهى كنت انشكيت فى دراعى قبل ما اكتب كدة )
و المصيبة بقى ان البرنامج ده المنهج الجديد بتاع حبايب قلبى ملائكة الأرض 3 اعدادى
و طبعاً لما صدقوا لأن ما حدش فى المدرسة درس البرنامج الزفت ده قبل كده ففرحوا قوى و قالولى انتى بقى تدى 3 اعدادى
يا ناس يهديكم يرضيكم ده انا طول عمرى بادى العيال الصغيرة
لأ ده العيال هنا فى منتهى الرقة و الوداعة زى النسمة ( ربنا ما يوريكم )
و للأسف وافقت ( و دى كانت غلطة عمرى )
و دخلت الفصل فى أول حصة ليا و كانت حصة صبيان
دخلت لقيت قدامى 40 شحط أطول و اعرض منى و فيهم اللى بشنب و دوجلاس كمان
و العيال بيبصوا لى بصات غريبة مرعبة زى بصات ريا و سكينة
كان اللى ناقص انهم يجيبوا المنديل و يا اختى عليها يا اختى عليها
و الله العظيم لولا ان قعدة البيت ممله كنت جريت و سبت المدرسة تولع بيهم
بس انا ما باحبش برضه استسلم بسهولة
المهم شمرت و قولت استعنا على الشقا بالله
و ما حدش بياكلها بالساهل
و قوينا على الشر يا رب
و ابتدت المعاناه | |
|
| |
زائر زائر
| موضوع: رد: يوميات مدرسه اجن من الطلبه الإثنين يونيو 29, 2009 3:10 am | |
| انتي مين اءلي قال اءنك نكديه داءنتي خليتي مزاجي ميهميه سلام |
|
| |
][جـاره القـــمر][ عضو فعال
الجنس : عدد المساهمات : 872 نقاط : 958 تاريخ تسجيلى : 28/06/2009 عمرى : 30 المزاج : 3aaady
| موضوع: رد: يوميات مدرسه اجن من الطلبه الإثنين يونيو 29, 2009 3:15 am | |
| أول حصة ( تعارف )
انا أول ما دخلت توقعت ان كلهم يقوموا يقفوا ( العادى يعنى على اساس انى الميس )
بس مين فضلوا قاعدين زى ما هما
فقولت أقولهم كلمة يمكن ياخدوا بالهم منى
فقلت لهم سلاموا عليكم
ففيه واحد و لا اتنين و الله ما انا فاكره ( ربنا يكفيكوا شر الزهايمر ) اللى ردوا عليا بس و هما قاعدين مطرحهم ما حدش هان عليه يقوم يقف
بس ما سكتش بقا و الشر ابتدا
قولتلهم فى ايه يا سنه زفت هو انا جايه اشتغل فى مدرسة مشلولين
قوم يا شحط انت و هو اقف
و انا من جوايا باترعش و خايفه من رد فعلهم
و العيال فى محاوله لجس النبض فيهم اللى و قف و فيهم اللى ما وقفش
المهم قولت بلاش اعملها حكاية و الطيب احسن برضه
فقولت لهم الناس المحترمة اللى وقفت كل سنه و هما طيبين
و الكلمة تقريبا حركت كام واحد ابن ناس كده فالعدد زاد كام واحد
و كلهم راحوا ردوا و حضرتك طيبة
فقلت لهم اتفضلوا اقعدوا و قولت اقدم نفسى بقى فقلت لهم انا مدرسة الكمبيوتر الجديدة و ان شاء الله هاديكم السنة دى
فكام واحد رزل كده فى نفس واحد هيييييييييييييييييييييييييه
المهم فوت و قولت اهو ترحيب برضة احسن ما كانوا قالوا ييييييييييييييييييييه
قولت لهم عايزه بقى اتعرف عليكم واحد واحد بالدور كده يقولى اسمه ايه طبعا و انا بابتسم ابتسامه صفرا ( أعمل ايه العيال شكلها يخض )
فابتدوا يردوا اللى يقول اسمه و اللى يقول اسم الدلع
وواحد قاللى أول ما اروح هابقى اسألك ماما هى كانت قالته لى الصبح بس نسيته
فروحت مطلعه له الموبايل و أنا رافعه حاجبى اليمين عند منبت شعرى تقريباً و قلت له طب ما تتصل بيها تسألها يا حبيبى أحسن
و واحد قاللى محمد
فقلت له ماشى يا محمد
فقاللى لأ ده اسم ابن خالتى انا بقى على
و واحد رزل قاللى مش فاكر ثانيه واحده اشوفهولك فى القايمه
و التانى قاللى أخ نسيته هاطلع الكشكول اشوفه أصل ماما بتكتبه لى على التيكيت
فقلت له لأ يا ظريف خليها تبقى تكتبه لك على القميص المره الجايه
و واحد قاللى انا بقى ما اعرفوش اصل احنا كتير فى البيت و طول اليوم ماما بتنده فباتلخبط بس هو العموم يا محمود يا مصطفى يا احمد يا اما منى أو مروة مش عارف و الله
و واحد قاللى ولا يا عمرو هو انا اسمى ايه
فقلت له يعنى عمرو عارف اسمك و انت لأ و بعدين انت فاكر اسم عمرو و اسمك لأ
فقالى أه أصله صاحبى و بعدين ما هو بيندهلى على طول فأكيد عارفه
و التانى قاللى اسمى زفت بابا ما بيقوليش غير كده فى البيت
و واحد قاللى هو حاجة عبد الله
فقلت له يعنى فاكراسم ابوك ومش فاكر اسمك
فقاللى استغفر الله العظيم يعنى عايزانى ما افتكرش اسم الراجل اللى خيره عليا و بأكلنى و بيشربنى عايزانى أبقى ابن جاحد يا ميس حرام عليكى و الله
والتانى قاللى لأ اصل انا ساقط قيد و ما عنديش شهادة ميلاد بس المهم انتى اسمك ايه
فقلت له ثانية واحده كده يا ابنى اصل انتوا شككتونى فى نفسى و روحت مطلعة البطاقة و قريت لهم اسمى منها فقعدوا يضحكوا و ضحكت معاهم طبعاً
و الحصة كلها خلصت فى التعارف لغاية ما الجرس ضرب
انتظرونى فى الحصة القادمة | |
|
| |
زائر زائر
| موضوع: رد: يوميات مدرسه اجن من الطلبه الإثنين يونيو 29, 2009 3:19 am | |
| ليه بس الفراق الطويل ده اءحنا كلنا معاكي واحد واحد عضو عضو |
|
| |
7oss الملك
الجنس : عدد المساهمات : 2854 نقاط : 2907 تاريخ تسجيلى : 16/09/2008 عمرى : 32 المزاج : مش تمام
| موضوع: رد: يوميات مدرسه اجن من الطلبه الإثنين يونيو 29, 2009 12:33 pm | |
| هههههههههههههههههههههههههههههههه
انا قلت بردو الست متشتغلش وتقعد فى البيت تربى العيال
خايفة من طلبة فى اعدادى
امال لو راحت ثانوى
ولسه لو انا منهم اعمل اكتر من كده
يا سلام هيا دى المدارس
بس جامده
ومستنى باقى القصة المثيرة دى
| |
|
| |
][جـاره القـــمر][ عضو فعال
الجنس : عدد المساهمات : 872 نقاط : 958 تاريخ تسجيلى : 28/06/2009 عمرى : 30 المزاج : 3aaady
| موضوع: رد: يوميات مدرسه اجن من الطلبه الإثنين يونيو 29, 2009 5:21 pm | |
| ههههههههههههههههههه ميرسي يا حسام لردك ومرورك وميرسي يا برنس لردك ومرورك | |
|
| |
][جـاره القـــمر][ عضو فعال
الجنس : عدد المساهمات : 872 نقاط : 958 تاريخ تسجيلى : 28/06/2009 عمرى : 30 المزاج : 3aaady
| |
| |
زائر زائر
| موضوع: رد: يوميات مدرسه اجن من الطلبه الإثنين يونيو 29, 2009 6:24 pm | |
| شكرا ميرسي ده بفضلك واءحنا معاكي وتحت امرك كلنا |
|
| |
7oss الملك
الجنس : عدد المساهمات : 2854 نقاط : 2907 تاريخ تسجيلى : 16/09/2008 عمرى : 32 المزاج : مش تمام
| موضوع: رد: يوميات مدرسه اجن من الطلبه الإثنين يونيو 29, 2009 8:07 pm | |
| يا سلام على حصصك
انا قلت قاسم امين لو موجود دلوقت كان غير رايه فى فكرة الحرية للبنات دى
ميرسى على الحصة دى
بس يا ترى هيا مش هترجع فصل الرجالة تانى
علشان يشلوها
| |
|
| |
crazy girl مشرفة عالم حوااء
الجنس : عدد المساهمات : 2880 نقاط : 2985 تاريخ تسجيلى : 06/06/2009 عمرى : 105 المزاج : شغال
| موضوع: رد: يوميات مدرسه اجن من الطلبه الإثنين يونيو 29, 2009 9:26 pm | |
| شكرااااااااااااااااااااااااااا على الحصه الجميله دى بس ايه رايك تجمعى الحصه الجايه بين البنات والصبيان علشان تموتى خالص تقبلى مرورى | |
|
| |
زائر زائر
| موضوع: رد: يوميات مدرسه اجن من الطلبه الإثنين يونيو 29, 2009 9:51 pm | |
| |
|
| |
dx عضو جديد
عدد المساهمات : 151 نقاط : 134 تاريخ تسجيلى : 16/10/2008
| موضوع: رد: يوميات مدرسه اجن من الطلبه الإثنين يونيو 29, 2009 11:24 pm | |
| ههههههههههههههههههه
المللسة دى هتموووووووووووووووت على راى عادل امام
حلوة الحصصص ومستنين حصص تانية | |
|
| |
][جـاره القـــمر][ عضو فعال
الجنس : عدد المساهمات : 872 نقاط : 958 تاريخ تسجيلى : 28/06/2009 عمرى : 30 المزاج : 3aaady
| موضوع: رد: يوميات مدرسه اجن من الطلبه الثلاثاء يونيو 30, 2009 1:49 am | |
| - البرنس كتب:
- شكرا ميرسي ده بفضلك واءحنا معاكي وتحت امرك كلنا
ميرسي يا برنس دا من ذوئك وميرسي لردك ومتبعتك منور التوبيك | |
|
| |
][جـاره القـــمر][ عضو فعال
الجنس : عدد المساهمات : 872 نقاط : 958 تاريخ تسجيلى : 28/06/2009 عمرى : 30 المزاج : 3aaady
| موضوع: رد: يوميات مدرسه اجن من الطلبه الثلاثاء يونيو 30, 2009 1:58 am | |
| - 7oss كتب:
يا سلام على حصصك
انا قلت قاسم امين لو موجود دلوقت كان غير رايه فى فكرة الحرية للبنات دى
ميرسى على الحصة دى
بس يا ترى هيا مش هترجع فصل الرجالة تانى
علشان يشلوها
ههههههههههههههه لحد دلوقتي انا ومش عارفه ايه فايده التعليم ومش تخاف الحصص كلها مع الولاد وميرسي يا حسام لردك ومرورك نورت التوبيك | |
|
| |
زائر زائر
| موضوع: رد: يوميات مدرسه اجن من الطلبه الثلاثاء يونيو 30, 2009 1:59 am | |
| |
|
| |
زائر زائر
| موضوع: رد: يوميات مدرسه اجن من الطلبه الثلاثاء يونيو 30, 2009 2:00 am | |
| |
|
| |
][جـاره القـــمر][ عضو فعال
الجنس : عدد المساهمات : 872 نقاط : 958 تاريخ تسجيلى : 28/06/2009 عمرى : 30 المزاج : 3aaady
| موضوع: رد: يوميات مدرسه اجن من الطلبه الثلاثاء يونيو 30, 2009 2:03 am | |
| - crazy girl كتب:
- شكرااااااااااااااااااااااااااا
على الحصه الجميله دى بس ايه رايك
تجمعى الحصه الجايه بين البنات والصبيان علشان
تموتى خالص
تقبلى مرورى ههههههههههههههه البنات والولاد مع بعض دي كده يجيلها الشلل فعلا هههههههههههه وميرسي يا جميل لردك ومرورك نورتي التوبيك | |
|
| |
زائر زائر
| موضوع: رد: يوميات مدرسه اجن من الطلبه الثلاثاء يونيو 30, 2009 2:07 am | |
| لا السرع افضل ههههههههههههههههههههههههههههههههههه |
|
| |
][جـاره القـــمر][ عضو فعال
الجنس : عدد المساهمات : 872 نقاط : 958 تاريخ تسجيلى : 28/06/2009 عمرى : 30 المزاج : 3aaady
| موضوع: رد: يوميات مدرسه اجن من الطلبه الثلاثاء يونيو 30, 2009 2:09 am | |
| - dx كتب:
- ههههههههههههههههههه
المللسة دى هتموووووووووووووووت على راى عادل امام
حلوة الحصصص ومستنين حصص تانية ههههههههههههه ميرسي لردك ومرورك منور التوبيك | |
|
| |
][جـاره القـــمر][ عضو فعال
الجنس : عدد المساهمات : 872 نقاط : 958 تاريخ تسجيلى : 28/06/2009 عمرى : 30 المزاج : 3aaady
| موضوع: رد: يوميات مدرسه اجن من الطلبه الثلاثاء يونيو 30, 2009 2:13 am | |
| هههههههههههههههه هي تموت احسن هههههههههههه | |
|
| |
][جـاره القـــمر][ عضو فعال
الجنس : عدد المساهمات : 872 نقاط : 958 تاريخ تسجيلى : 28/06/2009 عمرى : 30 المزاج : 3aaady
| موضوع: رد: يوميات مدرسه اجن من الطلبه الثلاثاء يونيو 30, 2009 2:19 am | |
| أول ما دخلت الحصة ما بقيتش اهتم مين واقف و مين قاعد خلاص بقى دخلت رميت الكتاب و الكشكول اللى فى ايدى على الديسك الأول و صبرت دقيقتين على ما يسكتوا و بعد كده لقيت عيلين افتكروا يقفوا قلت لهم اترزع ياد انت و هو طب يا ميس مش هاتسلمى علينا لهم اسلم على مين خسارة فيكوا السلام أسلم عليكم على ايه جاتكم ستين خيبة و ابتديت اكتب الدرس و طبعاً كالعاده السؤال الممل هو الدرس طويل يا ميس فبصيت لهم و قلت لهم بصوا بقى فى يومكم الاسود ده اللى عايز يتنيل يكتب يكتب و اللى مش عايز ان شا الله عنه ما كتب انتوا فاهمين و كملت كتابه و فجأه سمعت صوت أه يا ايدى لا يا ميس مش قادر اكتب اكتر من كده روحت رايحه له و مسكت ايده و قلت له ايدك دى اللى بتوجعك يا سوسو وريهالى كده يا حلوه و قمت تانيه له صوابعه لحد ما صرخ و رجعت اكتب لقيت واحد بينده يا ميس ماعييش كراسه خلاص ما تكتبش طب و افهم ازاى اكتب فى ورقة ما انا معايش ورقة حتى قلت له خلاص خد كشكول حد و انقل الدرس هانقله فين أصل انا ما عنديش كشكول فى البيت خلاص خلى ابوك يعمل جمعية و يبقى يقبضها الاول و ادفع مقدم كشكول ورجعت تانى اكمل كتابه لحد ما خلصت و جيت اشرح يا مؤمنين و دول ركبهم العفريت كلام و هزار و استظراف و انا عماله يا ابنى بس انت و هو يا حبيبى خلاص الله اما طولك يا روح روحت قاعده لهم على الديسك و قلت لهم شكلكم مش عايزين الدرس مش كده خلاص بلاش منه راح قام لى واد قاللى بس انا عايز افهم يا ميس قلت له حاضر يا حبيبى عايز تفهم ايه قالى الدرس فقلفت لهم طب مين تانى عايز يفهم فكلهم رفعوا ايدهم و قالوا احنا يا ميس فقومت واحد غبى اسمه عمرو و قولت له و انت كمان عايز تفهم يا عمرو فقالى أه عايز تفهم ايه افهم اللى هايفهموه طب اللى هو ايه راح متنح و قاللى مش عارف ؟ اللى مكتوب ده طب هو انت عارف اصلا انا هنا بادرس ايه فضحك و قالى اه كمبيوتر قلت اسم الله عليك طب و احنا السنه دى بندى ايه فى المنهج فبرأ كده و ما نطقش فقام واحد أذكى منه و قالى بندى ايه يا صباح الفجوله يا ميس قلت له يسعد صباحك يا حبيبى و بصيت لعمرو و قلت له زى ما الحمار ده قال بالظبط فقالى ماشى قلت لهم يعنى كلكم عايزين تفهموا طب اسكتوا بقى كلهم فى نفس واحد حاضر يا ميس و لسه هابتدى انطق راح قام واحد قالى انا بقى مش فاهم مش فاهم ايه و انا لسه اتكلمت يا سلام أصل انا كنت نايم فباحسبك شرحتى شويه و قعدوا يضحكوا و رجعوا يتكلموا تانى فقلت لهم يا صباح الاستهبال خلاص بقى مفيش درس و انا قاعده لكم النهارده عشان تبقى حصة سوده عليكم و طلع لى عيل رزل و اشقى خلق الله و قالى اروح الحمام يا ميس بس فرصتى بقى عشان اذلهم و انتقم ما فيش حمامات يا لا و الله مش قادر اروح و النبى لأ الحمام قفلوه خلاص لو ما روحتش هاعملها على نفسى لو راجل اعملها و الله ما قادر أبوس ايدك إوعى تعملها اوديك فى 60 داهيه
و الواد كان هايعيط فعلاً قلت له عايز تروح يا كريم أه و النبى يا ميس و حياه ابوكى روحت زاغداه فى كتفه و قلت له مالكش دعوه بابويا يالا حاضر بس اروح بقى قلت له هات القلم و روحت عند السبورة و رسمت شجرة قالى ايه ده قلت له هاوديك لما الشجرة دى تطرح تفاح يا نهاراسود انتى بتهزرى يا ميس و الله هاموت و ايه يعنى ما تموت ما انا كمان هاموت على التفاح و المرتب قليل و مش مكفى يا ميس ابوس ايدك اروح الحمام لأ طب اعمل ايه اروى الشجرة عشان تنبت ارويها ازاى و انا مالى شوف انت بقى الواد لطم على وشه يا ميس و الله ما قادر و انا صدرت العبيطة و قلت له انت سمعت شرطى علشان تبقى تقعد تهزر كويس و انا باشرح خلاص اخر مرة و الله ما هاهزر تانى ابوس ايدك لالالالالالالالالالالالالالالالالا خلاص انا هاروح ماشى روحت مشاوره له يدخل جوا راح رايح ناحية الباب روحت رايحه واقفه عند الباب وفتحته أروح بقى روحت باصه له من فوق لتحت حاول يطلع من الباب شنكلته اتكفى على وشه و قومته من قفاه و رميته جوا الفصل فدخل الديسك بتاعه و هو بيبص لى بغل بس على مين و لا همنى راح قايم واد تانى يستهبل و يخف دمه فبارزعه على كتفه و القلم بقدرة قادر رن على وشه فروحت راجعه لورا قالى ايه ده يا ميس فبخوف كده قلت له ايه مش انا الميس بتاعتك حبيبتك عادى يعنى ما هى الكتره تغلب الشجاعه يا اخوانا قالى ماشى و برق لى فرجعت لورا و ضحكت له و انا من جوايا باتنفض و الحمد لله ربنا نجانى أصل الجرس ضرب و قلت يا فكيك | |
|
| |
زائر زائر
| موضوع: رد: يوميات مدرسه اجن من الطلبه الثلاثاء يونيو 30, 2009 2:21 am | |
| انتي امس سهرتي كتيييييييييييييييييير انا والله منمتش |
|
| |
مصطفى مقبل صديق الملك
الجنس : عدد المساهمات : 436 نقاط : 498 تاريخ تسجيلى : 17/09/2008 عمرى : 32 الموقع : http://www.mokbel.netii.net المزاج : فوق الشوق
| موضوع: رد: يوميات مدرسه اجن من الطلبه الثلاثاء يونيو 30, 2009 11:24 am | |
| شكرا يا جارة القمر ع لموضوع الجامد ده بس والله انتى مشوفتيش بأأأه يوميات مدرسة حسين عثمان الثانويه دى مدرستى انا وحسام ايام الثانوى كانت ايام زى العسل نفسى ترجع والله | |
|
| |
زائر زائر
| موضوع: رد: يوميات مدرسه اجن من الطلبه الثلاثاء يونيو 30, 2009 3:16 pm | |
| مواديع جامده جدا زي ما مقبل قال |
|
| |
sasoo عضو فعال
الجنس : عدد المساهمات : 2729 نقاط : 2793 تاريخ تسجيلى : 08/06/2009 عمرى : 28 المزاج : رااااااااااااااايق
| موضوع: رد: يوميات مدرسه اجن من الطلبه الثلاثاء يونيو 30, 2009 4:36 pm | |
| مرسى على الحصص بس على فكره ده فى كل المدارس بس طبعا الولاد اهدى من البنات صحححح | |
|
| |
| يوميات مدرسه اجن من الطلبه | |
|