يوميات محتار ومحتارة

السلام عليكم
انهاردة جيبالكم سلسلة جديدة من الواقع الي احنا عايشينو بس هي طريفة شوية طبعا ويارب تعجبكم

(1)

زوجين من ملايين الازواج في بلدنا يوميات محتار ومحتارة Redface

الام في الشهر التالت من حملها الاول

والله محتارة اجيب لبس ولد ولا بنت يوميات محتار ومحتارة Ddd

الاب اصبري لما الدكتور يقولنا نوع الجنين وبعد كده نجيب اللبس يوميات محتار ومحتارة Greedy

الام طيب دلوقتي انا بشتغل بعد الولادة ولما الاجازة تخلص محتارة اسيب الولد فين

اوديه لمامتك ولا لمامتي يوميات محتار ومحتارة Whistling

ولا اوديه حضانه

الزوج لما تولدي وتقومي بالسلامة نبقي نفكر يوميات محتار ومحتارة Sailor

وبعد 6 اشهر

زغاريد

ونعرف انه جاء الي الدنيا مولود جديد

وابتدت حيرة جديدة

بيختارو للمولود اسم

لانهم عيزين اسم شيك غريب اسم سهل يعرف يقولو الاهل كلهم جدته تقترح جده يقترح

والام تفكر والاب يفكر

وفي الاخر وبعد الحيرة

وبإجماع
اطلقو عليه اسم

محتار

وده اختيار الاب واللي قال جايز الاسم يفك عنه النحس ومش يحتار حيرتنا يوميات محتار ومحتارة Hysterical

طيب مبارك يابني والله اسم جميل وجديد لا وشيك فعلا يوميات محتار ومحتارة Friends

وابتدو حيرة جديدة

طيب سميناه محتار ندلعه نقوله يا إيه

حوحو - تاتو - رورو- توحي يوميات محتار ومحتارة Redface

وبعد حيرة وتفكير عميق قالو ندلعو ونقوله

ياراتح ( اقرأالاسم بالعكس )

الام

لالالا

اقولكم

ندلعه ونفوله يا راتحو

ايه ياختي ردحو يوميات محتار ومحتارة Jawdrop

وده كان تعليق ام الزوج

ردحو ازاي يعني

الزوجة لالالا ياماما راتحو والله حلو يوميات محتار ومحتارة 015

واصبح دلع محتار راتحو

وطبعا فرحة العيلة لاتوصف بقدوم راتحو حامل لقب العيله واللي حيمد في اسمها يوميات محتار ومحتارة Knight

في نفس الوقت ونفس الشارع كان زوجين اخرين منتظرين قدوم مولودهم الجديد

ولما سمعو زغاريد جيرانهم تفاءلو بس لما عرفو اسم الولد استغربو يوميات محتار ومحتارة Chinese2

ولكن ضحكو وقالو شيك اهو كلنا محتارين ومش عارفين عيزين ايه من دنيتنا

يالا نروح نبارك لهم

منقوووول عن صاحبه

ههههههههههههههههههههه
رانحو يا ام ريهام
لا فعلا اسم جامد
عقبال كده ما يخلفوا بنت
ويسموها رانحه
هههههههههههههههههههه

ياريتهم محتاروا ولا فكروا كانوا اختاروله اسمه بصحيح ربنا يسامحهم يلا
راتحو راتحو هههههههههههه

2)

وفعلا راحو يباركو بقدوم محتار

وهما قاعدين مع ابو محتار وامه

سألوهم ايه قربتي تولدي قالت ايوة كلها ايام

طيب خير هاتي لينا بنوتة حلوة علشان نجوزها لمحتار ادينا بنحجز اهو

راح الزوج رد لالالالا بنت ايه انا نفسي في ولد

ويكون هو وابنك اصدقاء زينا كده

فردو ليه البنت مالها دي حتة حبيبة ابوها

رد وقالهم لالالالا انا بحب الصبيان عايز ولد

وانتهي الكلام علشان جه ميعاد السبوع والناس كلها فرحانة وبتغني وبتزغرد

وبعد اتمام مراسم السبوع كل واحد روح ع بيته

وبعد ايام شعرت الام بالالام الوضع

وربنا اكرمها وطلعت مولودة جميله جدا طبعا زوجها كان غضبان انها طلعت بنت

وسم بدنها بكلام كتير اوي ازاي تطلع بنت وكأنه تناسي اني دي ارادة ربنا

وان البنت رزقها واسع

بعد شوية تقبل بالامر الواقع وابتدو يدورو ع اسم للبنت

واحتارو كتير اووي

فأتصل بصديقه ابو محتار وقاله ربنا رزقني ببنت اسميها ايه

وقدرا زوجته كات جنبه فقالها دول بيدورو ع اسم للبنت انتي ايه رأيك

فقالت والله يبقي اسمها محتارة ونجوز محتاااااااااار لمحتارة وضحكت لانها تمنت ان تدوم صداقتهم

وصله الاسم وهو بيضحك قاله سامع يالا شد حيلك بقي

رد عليه وقاله بتضحك ع ايه انا الدنيا كلها سودا في وشي

قاله يا سيدي ربنا يجلعها قدم السعد عليك وع بركة الله سميها محتارة

وتكون هي محتار

حظهم في الدنيا افضل مننا

مرت الايام ومحتارة كبرت شوية

بس والدها دايما كان بيعملها بطريقة خشنة جدا اكنه بيعامل ولد

ودايما يقولها عيزك راجل كده

تعيط يقولها لامش تعيطي انتي زيك زي الولاد والاولاد مش بيعطو

ربي ابو محتارة في بنته الخشونة وانها ولد

عكس ابو محتار وامه فكان بيربو الولد ع الهدوء والرزانة وان اللي يضربه او يسئ اليه يكلمه بالحسني

وياسلام لو اجتمع محتار مع محتارة في مكان

ياحرام كانت بتخوفه بنظراتها وبالعابها المرعبة

وكل شوية تخضعه وهو يعيط وهي تضحك

وابوها يشوفها كده يتبسط

كتير نصحه ابو محتار ان طريقة تربيته لبنته غلط وكده حتفقد انوثتها ولازم تكون بنت

ولكنه قال انا عيزاها تنسي الكلمة دي خالص

انا شفت من البنات كتير مش عايز بنتي تطلع زيهم لازم تكون جد والكل يعمل لها حساب

مش تطلع في كلامها ميوعه تقعد تهزر مع ده وده

قاله انت ممكن تربيها ع الدين والاخلاق الطيبة واكيد حتحافظ ع نفسها

قاله بص يا ابومحتار انا مش بدخل في تربية ابنك انتي كمان مش تدخل في تربية بنتي

قاله انت حر بس بعد كده انت اللي حتندم

ومرت سنوات

ودخل محتار ومحتارة المدرسة وكانو من المتفوقين

وكان محتار هادي ذوق مع الكل

لكن محتارة كانت شديدة وتتعصب من اقل شئ ومحدش يقدر يكلمها

ولما محتار كبر ابتدي يشوف ان محتارة ع قد طيبة قلبها ولكنها مش زي البنات اللي بيشوفهم

لبسها زي الاولاد طريقتها زي الاولاد

حتي بعض الفاظها

ووصل محتار ومحتار لمرحلة الثانوي واتفرقو كل واحد بمدرسة

يتبع ....................

الدنيا كلها بقت حيرة فى حيرة ومش عارفين بنعمل اية شكرا يا ام ريهام شفتى رد حلو ازاى اتعلمى بقى

ماهو ده الجميل فالموضوع يادك الحياة كلها حيرة ولاحد فالدنيا قادر يعيش من غيرها
عموما الحمدالله انا متعلمة واعلمك بردو مش عشان انت دك يعني هههههه
عموما المهم تعجبك الحكاية والاسماء عشان ننفعك بعد الجواز على الاقل لو احترت فالاسم خلاص اهو محتار او محتارة ههههه

دة انتى اللى دكتورة انا ليا الشرف انى اتعلم منك

يا سلام
محتار يجوز محتاره
بس يا ترى لما يخلفوا هيسموا اولادهم ايه
حد يتخيل
انا لا اتخيل

مساطيل طبعا اسم جميل

مساطيل ايه بس يا دكتره
ده حتى اسم بلدى خالص
وبعدين ايه علاقة الحيرة بالمساطيل
ركز بأه شويه ومتتعبنيش معاك بأه

حلوة الحيرة الي بينكم ده ياجماعة عموما شوية كدة وحنحط الحلقة التالية عشان تركزو اكثر

ماشى يا قمر
بس ياريت ما تتاخريش علينا بيها
بس انتى برده ايه رايك يا ام ريهام
لما يخلفوا ممكن يسموا ابنهم و بنتهم اي
ممكن تايه وتايهه

ممكن؟وممكن بردو منسي ومنسية هههههههه

يا عم اجرى مش تغلط فى النباهة هى مساطيل لايقة قوى

لاقه قوى
ده على اساس اننا قاعدين نشرب هنا ولاايه يا دكتره
حد يقوله حاجه يا جماعه
وانا هبدأ وهقوله
حاجه
هقهقهقهققههققهق

ايه؟هو انت شارب حاجة يادك ولاايه؟انت مصر كدة عالمساطيل ليه؟تكونش عارفهم بقىىىى

ممكن برده يكون عارفهم يا ام ريهام
ومش بعيد كمان يكون واحد منهم
مساء الخيييييييييييييييييييييير يا دكتره
خدلك جوين وعلى الدماغ

اااااه منا نسيت انو دك وبيدي حقن فيمكن يكون ياخذ حقن مش يدي هههههههه بنهرج طبعا يادك

مساء الماكس
وتعلية الدماغ
وانسى وانسانى وخد عنوانى
بس برده اوعى تيجى عشان انا مبكونش هناك
لانى بكون هنا دايما

هههة اساسا لو احنا بنشرب انتا اخرك تشم الدخانة وهتفطص بلاش انتى

الكلام ده بقى على مين يادك؟للعنيد ولالام ريهام؟؟

مقدرش اغلط فيكى يا باشا اكيد للرزل

انا رزل برده يا دكتره
عموما برده الله يكرمك يا باشا
بس ابقى حاسب على كلامك وشوف انت بتقول ايه

3)

مرحلة الثانوي كانت مرحلة تغيير لمحتار ومحتارة

محتارة ابتدت تكون في مدرسة للبنات بس شافت في المدرسة حاجات غريبة اووي

هي ممكن تكون في العام مش غريبة لكن ع محتارة ولانها اول مرة تشوف وتسمع فهي فعلا غريبة

ابتدي يتقرب منها بنات كتير اوي وده لتفوقها

وكانت بتسمع منهم حكايات عن علاقتهم مع الشباب

واللي خرجت مع فلان واللي حتتخطب حتسيب المدرسة

ابتدت تسمع عن بنات بتروح الكوافير وبتعمل عمايل في نفسها

قصة شعر زي المغنية الفلانية

وواحدة تعمل وشم زي صاحبة الاعلان الفلاني

والتالتة صبغت شعرها لون زفتاوي زي المذيعه الفلانية

وكل ده ومحتارة مش فاهمة ايه اللي بيدور حواليها

سمعت ع افلام ومسلسلات بيتفرجو عليها كلها حب وازاي البطل بيضحي علشان البطله

بس كان مسلسل البجح والساقطات هو ا لاكثر متابعه وده مسلسل امريكي حلقاته مدي الحياة

كانت قصته جديدة وكلها رومانسية لان البطلات كلهم بيحبو زفتديج

ولا المسكينة هاروك اللي علشان تغيظه بقت مراة ابوه

ولا كارولين كرولته اللي اتجوزت اخوه

وهو همه حد اتجوزهم الاتنين هيهيهيهيهيهيه

حبت محتارة تتابع فيلم ولا المسلسل من دول ع احدي الفضايئات

لاقت مشاهد حب خجلت انها تكمل الفيلم ولا المسلسل اللي البطل كان شوية حيتجوز امه لولا ان ابوه تدارك الموقف وساب له هاروك

ابتدت تحس باحاسيس جديدة عليها

احاسيس هي نفسها مستغرباها كل ده كان جوه نفسها محدش عمره حس حتي والدتها محستش باللي بنتها بتعانيه

كانت محتارة بتشوف البيت شئ وبتشوف المدرسة شئ تاني

تقربت منها بنت من البنات وحبت تكون صديقتها وزي ما قلت كل ده علشان تفوقها

وابتدت تستغلها اشرحيلي الجزء الفلاني اديني كشكول المادة الفلانية

ومحتارة ع قد ماهي ملامحها حادة وع قد كلامها الناشف لكنها فيها ساذجة وكانت بتتعامل عادي وبطيبة

وبتساعد اي حد بيطلب منها حتي البنت دي

البنت كان اسمها مروة وكانت بنت لعوب من البنات اللي بتروح صالات ديسكو واول ما تخرج من المدرسة ترفع كمر الجيبه لحد الركبة

وتحط زبدة كاكاو وترسم عينيها بالكحل وتستمع بالمعاكسات ونظرات الشباب ليها

اقنعت مروة محتارة انها تروح معاها مرة حيث ان بيتهم في نفس الطريق

ولما مشيت معاها محتارة شافت كل ده

روحت بيتها قعدت مع نفسها المفروض هي والبنت دي بنات

طيب هي ليه كده وبتعمل كده ليه هل هي باللي بتعمله ده صح ولا زي ما علموها في البيت هو اللي صح

وابتدي صراع في نفسها وابتدت تعرف حاجة اسمها الخواطر وابتدي يكون لها خصوصيتها وابتدت تكتب احاسيس جديدة احاسيس للا شئ

محتار ابتدي يتعرف ع نوعية شباب جديدة دخل الثانوي لاقي فيها رجالة بشنابات ايه ده مالهم شكلهم كده ليه

دول زي الاستاذة عرف انهم من الراسبين وافتكر ساعتها فصل مدرسة المشاغبين

شاف زمايل بيشربو سجاير

طبعا محتار كان صديق ابوه وكان فاهم ان ده عيب وكمان حرام

فكان بيشوف ويسكت ومش مستغرب لانه سمع حكايات كتير من والده شاف زمايل بيهربو من المدرسة

سمع منهم حكايات عن صحوبية البنات والخروج وعمل مع البنت دي ايه وطلعت كانت ماشية مع اخوه

ايه ده ايه العالم دي

بس محتار بينه وبين نفسه ع قد هدوءه ومظهره الضعيف لكن كان واثق من نفسه
جدا عارف ان كل ده غلط وده لان والده كان متفهم ابنه وعارف ان المرحلة دي
كات لابد وحتمر عليه

فكان متابعه وبيسمع منه وبيفهمه وبيوجهه

محتار كان من المتفوقين كان الاول دايما مش ع الفصل بس المدرسة كلها

وفي المرحلة دي صاحب عمرو وده كان من الطلبة الغير ملتزمين كان فاشل بس طيب مش صايع يعني وكان ساكن في نفس الشارع بتاع محتار

فكان بيروح ويجي مع محتار للمدرسة ولخفة دم عمرو اصبح هو محتار اصحاب

وجت سنة الرعب

رعب البيوت المصرية كلها واللي اول ما ابنهم بيدخل كي جي وان بيعملو لها الف حساب

وفي ناس بتحوش فلوس علشان علشان تستقبل السنة السعيدة

لا وفي امهات بتبيع ذهبها علشان السنة دي

الثانوية العامة

يتبع ....

ما تحيريناش بقى معاكى يا ام ريهام ومش تزعل يا بنى انا الكبير برضة

» يوميات مدرسه اجن من الطلبه
» يوميات عمرو وياسمين