يوميات محتار ومحتارة

مش اتفقنا يااحمد ان الحياة كلها حيرة؟
خلاص اذا احتارلك شوية عشان تستريح بعدين

ماشى بس انا لو احترت كتير هتعب وممكن اموت وهتوحشينى

ههههههههههه الف بعد الشر عليك يابني
انا مايرضنيش بردو انك تمون الف بعد الشر يعني بعد عمر طويل ان شاءالله بس بطل بكش يادك انا حوحشك؟؟؟يلالالالا حبت بكش احسن علاج

لا واللة دة انتى منورة الشات واللة مش بكش ولا حاجة

تسلم ايدك يا امريهام
بس يا ترى الموضوع هيوصل لايه بالظبط
ويا ترى مروى وعمرو هيعملوا ايه فى محتار ومحتاره
ربنا يستر

اكيد هيدوروا على واحد بنبهتك كده
وان شاء الله متخلهمش يحتاروا تانى

بس احتمال اكبر من كده
انهم يلاقوا واحد فى خفتك
بس ياريت تفضل خفيف كده
عشان مش يزهقوا منك بسرعه
اصلهم مش عندهم صبر زيي كده بالظبط

لا لا اضربو بعض مفيش احترام ليا ولا اية

ياشيخ اتوكس انت التاني مانت الي وقعتهم ببعض وبعدين فلسعت كدة
دكاترة اخر زمن ههههههههه

انا دانا غلبان ياااااااااااة انا طيب وامير بسابق للخير

انت؟لاماهو باين يادك يلا الغلبنة بتنقط منك بصراحة مش عارفين نوديها فين
ههههههههههه

العنيد كتب:: بس احتمال اكبر من كده
انهم يلاقوا واحد فى خفتك
بس ياريت تفضل خفيف كده
عشان مش يزهقوا منك بسرعه
اصلهم مش عندهم صبر زيي كده بالظبط

ونعم الاشراف
كلامك زوق اوى ياباشا
بجد تحيتى ليك

الماجيك كتب :

اقتباس :: ونعم الاشراف
كلامك زوق اوى ياباشا
بجد تحيتى ليك

ربنا يخليك على كلامك الجامد ده يا ماجيك
وربنا يخليك كده لحد لما تكبر وتبقى مشرف زيى كده
يلا باه يدينى ويديك طولة العمر
اما بأه لو انا مت
ابقى خد مشرف مكانى
اى خدمه يا عسل
بس برده خليك دايما خفيف كده زى ما انت

حبيبى انا صاحب سايت يعنى مش محتاج الاشراف
لانى بجد زهقت من كتر الاشراف
انا داخل بس علشان خاطر الكتور
وربنا يديك طوله العمر يا غالى

وربنا يخليك ويخلى الدكتور
وتعيش كده وتعمرالسايت بتاعك
وسيبلنا يا عم الاشراف على أدنا
احنا غلابه لسه

اشراف اية يا ابو اشراف وسايت اية يا ابو سايت انتى بتعملو حاجة دة المنتدى دة من غيرى ولا يسوى حاجة

ماتغترش بنفسك اوي كدة يادك وعقبال مانكملك توووووور

يا رب يا ام ريهام وساعتها ليكى الحلاوة طبعا

ام ريهام كتبت :

اقتباس :: ماتغترش بنفسك اوي كدة يادك وعقبال مانكملك توووووور

بس يا ترى يا قمر
التوووووور دى بتيجى منين

بلاش تسال السوال دة يا بتاع هوانم جاردن ستى

ايه
؟؟؟؟؟؟؟؟؟؟؟؟؟؟؟؟؟

مش عارف التور

وايه علاقه التور
بهوانم جاردن سيتى
اللى انت بتقول ان انا بتاعها
وتطلع ايه اصلا هوانم جاردن سيتى دى

اصلك بتقول التور دة منين فانا بقولك انك قاعد فى جاردن ستى متعرفش التور

(4)

الثانوية العامة بتعبها وقلقها بجد مش فاهمة ليه الناس بتعمل كده ماهو اللي ليه نصيب في شئ حيشوفه سبحان الله

طبعا البيت عند محتار ومحتارة زي كل البيوت المصرية ابتدو يخدو دروس

وبما انهم في سنة واحدة ابتدو يخدو الدروس كلها مع بعض وكانت معاهم مروة وعمرو

اول مرة اخدو مع بعض درس وبعد انتهاء الدرس

نزل عمرو ومحتار

عمرو قال لمحتار مين البنتين دول وابتدي محتار يقوله ع محتارة انها جارتهم ومتربين مع بعض

راح عمره غمزه ياعم ع اللي متربين مع بعض اكيد في بينكم قصة حب

قاله حب ههههههههههه انا احب محتارة يابني دي راجل

انا يوم ما احب لازم تكون بنوتة رقيقة مهتمة بنفسها تحسسني اني راجل تكون ضعيفة

مش امسك ايديها تديني بالقلم

قاله لا هي مسترجلة صحيح بس وشها طعم و الله ي دي كلمة حب واحدة و يغمي عليها

اسألني انا دي شكلها من برة كده لكن من جوة حاجة تانية

رد عليه محتار من فضلك ياعمرو احنا بناخد درس صحيح مع بعض واصحاب لكن محتارة زي اختي ومش اسمح لاي حد يتكلم عليها كده

رد عمرو قاله شفت يابني انت بتحبها بس مش واخد بالك

قاله بطل هزار حب انا مش فاضي للكلام ده

قاله طيب خلاص خلاص ومروة دي تبقي ايه كمان اختك بردو قاله لا دي صحبتها

قاله ااااااااه بس باين عليها اييييييييييييييه

رد محتار قاله ايييييييييه احنا حنبتدي

فكمل محتار

عموما باين ع مروة دي انها بنت رقيقة وانا احب نوعية البنات المهتمة بنفسها

رد عليه عمرو ااااااااااااااااااااااه طيب هو ده العبط بعينه

قاله محتار يعني ايه

ضحك عمرو ضحكة خباثة وقاله ولا حاجة انا ماااالي

نزلت محتارة توصل صحبتها مروة

سالتها مروة هو مش غريبة انك ومحتار اسمائكم قريبة من بعض

قالت اه ماهي مامته هي اللي سمتني ع اسمه

قالت قولتيلي طبعا بقي في قصة حب ما بينكم ما انتم قدام بعض ع طول اه ياساهيه

وانا اللي فكراكي ابيض ومافيش حاجة ردت محتارة بكسوف ممزوج بعصبية قالت حب ايه محتار زي اخويا وانا عمري ما فكرت في اي حاجة من دي

ردت مروة اخوكي ااااااااااااااااااه ياخوكي ياخوكي

طيب مدام بقي اخوية وبس اسمحيلي قالت لها اسمحلك بإيه

قالت بعدين حتعرفي وضحكت ضحكة عالية وسابتها ومشيت

رجعت محتارة البيت وقعدت تفكر في كلام مروة

وقالت انا ومحتار نعرف بعض من زمان ومع ذلك عمرنا ما فكرنا اننا ممكن
نتجوز او نحب بعض وهو عمره ماحاول حتي يكلمني في اي شئ ياتري ليه

اه اكيد علشان محتار ولد مؤدب والكلام ده بتاع ناس فاضية وهو متفوق وحاطط في راسه يدخل كلية من كليات القمة

اكيد مش حيفكر في تفاهات زي دي

بس يعني ايه كلمة مروة اسمحيلي

اسمح لها بإيه وليه سألتني ع محتار ومش سألت ع زميله

طيب هو ليه انا ارتبكت وزعقت كان ممكن ارد عليها بهدوء

ورجعت تاني محتارة لاحاسيسها المتداخلة اللي مش عارفة ايه معناها

دخلت عليها والدتها علشان تناديها للعشاء ولاقيتها سرحانة

سالتها في حاجة قالت لها لا قالت لها قومي كلي الاكل ع الترابيزة وكلنا حناكل مع بعض

كانت ام محتارة بتعاملها بطريقة ناشفة وده لان من صغرها كل ما كانت تحن
عليها او تدلعها كان والدها يزعق فيها ويقولها انتي اللي حتبوظي البنت

فكل ما تقرب من بنتها تسمع الكلام ده واتعودت انها تبعد عنها مع انها كتير بتكون نفسها تقعد معاها ولكنها

مش بتلحق بذات ان اخوات محتارة كانو صغيرين ومحتاجين امهم وهي بتصورها ان محتارة كبرت وانها مش محتاجة امها زي اخواتها الصغيرين

وبعد ما خرجت امها حست بشئ جواها و طلعت محتارة كراسة خواطرها

وكتبت

كم تمنيت ان احدثك

كم تمنت ان تكوني بجانبي

فأنا اعاني وحدي ولا اعلم ماذا افعل ماذا بي ياتري

اشعر بالكثير من الاحاسيس ولكني لا استطيع اظهارها

اخاف نعم هو الخوف

الخوف الذي كبر معي

الخوف الذي جعلني دائما اخفي احاسيسي

بالفرح

بالحزن

بالوحدة

بالحب

ماذا حب وهل انا احب لالالالالا انا لا احب

لا انتي تحبي والحب بداخلك ولكنك لا تستطيعين اظهاره

تخلصي من خوفك اولا ثم ابحثي عنه بداخلك

حتما ستجدينه يوما

بعد ما كتبت محتارة اللي جواها خرجت علشان تتعشي مع والدها ووالدتها واخوتها

وكالعادة قعدت في ابعد كرسي عن الدها علشان تتجنب كلامه ليها

يتبع ................

» يوميات مدرسه اجن من الطلبه
» يوميات عمرو وياسمين