يوميات محتار ومحتارة

هايل يا ام ريهامبس لية اى واحدة زى محتارة لو مش بتكلم حد ولاد يعنى زى ما مسك ايديها ضربتة نقول عليها راجل وكدة مع ان دة حاجة كويسة عموما ربنا يوفق محتار ويدخل كلية القمة اللى هو عايزها ويوفق محتارة وتقرب من مامتها ويوفق الاتنين الحيارى ويتجوزة بقى عشان الحيرة دى تروح ويوفق ريهام بنت حضرتك ويبعتلها ابن الحلال اللى زيى كدة بالظبط مش كدة يا ام ريهام

احلى ما فى البنت حياءها وادبها
واغلى من الشرف مفيش
يا اه يا اه
عموما ربنا يوفق بين محتار ومحتار
عشان الواد محتار ده واد كويس ومؤدب
والبت محتاره برده مؤدبه واخلاقها عاليه
وبرده الطيبون للطيبات

تقصد الطيبون دول اللى زيى يعنى صح يا عنيد

الله اعلم باللى فى القلوب يا نعمان

5)

ايه النظام احنا حنبتدي من أولها دروس

محتارة : يابابا ماهو كل اللي في الثانوية العامة بيخدو

والدها : اه الفاشلين بس بصي من الاخر لولا ان والدتك اتحايلت عليا في الدرس ده انا ماكنتش اديتك

محتارة طيب ححاول اذاكر باقي الدروس لوحدي

والدها : مين البنت اللي معاكي دي

محتارة : دي مروة صحبتي

والدها وهي شكلها عامل كده ليه وانتي ازاي تصاحبي واحدة بالمنظر ده هدومها ضيقة وشكلها كده مش مظبوط

محتارة : يابابا انا مالي بيها هي مجرد زميلة في المدرسة والدرس

والدها: اه لحسن تميل عقلك وتفكري تقليديها

محتارة : اقلدها في ايه هي لها شخصيتها وانا ليا شخصيتي

انا مش بفكر الا في مذاكرتي وبس

وسابت الاكل وهي بتقولهم انا حقوم انام

والدتها : محتارة ايه ده مش حتاكلي

محتارة : ماليش نفس

والدها : احسن وفرتي

دخلت محتارة اوضتها وهي نفسها تصوت فيه كبت جواها في احاسيس كتيرة

حاولت تفتح ورق الدرس تقري اي شئ مش شافت حتي الكلام المكتوب حاولت تقوم تنام لكنهاكانت بتفكر في كلام مروة ليها

وكلام والدها واسلوبه

وحست انها عايزة تبكي وفعلا نزلت دموعها لحد ما نامت

عند محتار بالبيت وبعد ما رجع من الدرس

قعد ما باباه يتناقش في اللي اخده في الدرس

والده : محتار عايزك تركز في دروسك علشان تطلع من الاوائل زي كل سنة وليك عندي جايزة كبيرة

محتار : بجد يابابا ايه هي

والده مش حقولك لما نشوف النتيجة الاول

واي مادة تحتاج فيها درس قولي

محتار : لا يابابا انت كده بتتعب علشانا اوووي

والده وانا ليا حد غيرك انت واختك اتعب علشانكم

انت بس اؤمر

وقام محتار طبع قبله ع خد والده وحضنه وهو بيقوله ربنا يخليك ليا يابابا

تصبح ع خير

ودخل محتار فتح ورق الدرس وقري الورق سريعا ودخل ينام علشان المدرسة

وهو ع المخدة جت في باله صورة مروة وازاي هي هادية ورقيقة

وفي نفسه........... ياااه لو الواحد يخلص ويجيب مجموع عالي كده

انا ان شاء الله مجرد ان ادخل الكلية ححاول اشتغل علشان اقدر اساعد بابا ع الاقل في مصاريف كليتي

ورااح محتار في النوم

يتبع .................

واللة برافو علية الواد محتار دة بيقكرنى بيا وانا فى ثانوى كويسة جددا يا ام ريهام

يا ترى ايه اللى فى دماغك يا محتاره
ربنا يستر عليكى يا بنتى
والهمه يا محتار افندى
عشان الجايزه الكبيره متروحشى عليك
ونصيحه منى ابعد عن البت مروه
اصلها مش زيك

تسلم ايدك يا قمر
ومنتظر الجزء التالى

(6)

توالت الايام والسنة قربت تخلص ومحتار بيذاكر ع قد ما يقدر وفي نفس الوقت بيحاول يشد صحبه عمرو ويخليه يذاكر

عمرو بيذاكر بس ع قده مش بينسي التليفزيون والافلام الاكشن

والخروج مع اصحابه يعني شوية كده وشوية كده

مروة من يوم ما شافت محتار وهي بقت تموت نفسها في المذاكرة بذات المادة اللي بتاخد درس فيها درس معاها

مروة سبقت محتارة وبقت الاولي وكل ده علشان تلفت نظر محتار اليها

محتارة بتحاول تذاكر ولكن صراع نفسها تعبها جدا وتأنبيب ولداها الدائم ع اي شئ وكل شئ تعبها جدا

بقت تكره صوته كل ما تسمعه تسد ودنها هو قدامها مجرد صوت بيشخط طول الليل والنهار يأمر وبس

ووالدتها الست الهادية اللي تسمع وتطيع وبس

وجت الامتحانات وللحظ محتارة ومروة مع بعض في نفس اللجنة

مروة كانت بتغش بكل الطرق بتستميت علشان تجيب مجموع كبير

محتارة كانت بتحل ع قد مذاكرتها وكانت مجرد انها تشوف الورقة تنسي كل شئ

وفي نفسها تقول انا كنت مذاكرة الجزئية دي ايه اللي حصل ليه راحت من بالي

ايه اللي حصل

اما محتار فزي ما بيقلو عليه اصحابه مووووووووس يطل من الامتحان مقفله

عمرو بقي ع قده بيحل اه بس يعني شغال

وخلصت الامتحانات

وابتدي محتار يشغل وقته بالقراءة واشتغل في مكتبة قريبه منه

اما عمرو ماصدق علشان يسهر مع اصحابه ويسهر ع الدش للصبح

مروة بقي كفاية عليها التليفونات والنادي

ام محتارة فهي حبيسة غرفتها حتي لا تصطدم بأبيها

وجت يوم ظهور النتيجة

يتبع ..........

يا ترى النتيجه اخبارها ايه بأه ان شاء الله
يا خوفى عليكى يا محتاره
شكلك كده هتدبرى السنادى
عادى لا انتى اول ولا اخر وحده
كللنا لها اهم حاجه بس الصحه

منتظر الجزء التالى يا قمر

السلام عليكم

جميل جدا لو حبيتم اكمل لكم القصة بتاعتي من منتدي نور اسلامنا اول منتدي منشور فيه اليوميات دي

انا مستغربة جدا لاقيت الموضوع في كذا منتدي ومحدش قال انه منقول ومين اللي كتبت الموضوع وألفته

وده اللنك الموضوع الاصلي

http://www.nourislamna.com/vb/showthread.php?t=5902

يسوي ايه تعبيرات ثناء لحد لا يستحقها

اللي ناشرين الموضوع مبسوطين والكل بيقول لهم برافو ع كتباه مش من تأليفهم

ارجو المشاركة ما تتحذفش

واللي عايز يتاكد من صدق كلامي يدخل ع نور اسلامنا ويشوف نشر المضووع من تاريخ كام

حتلاقوه من اكتر من سنة تقريبا بدأت فيه

اولا اهلا بيكى معانا فى المنتدى

يا جميل المهم ان الحاجات دى وصلت وبنستفيد منها

واحنا بنشكر بقى الى كتب الحاجت دى اصلا

ولو عندك تكمله ليها كملهلنا عادى يعنى

وكمان مره منوره

السلام عليكم
صباح النور كلكم
اولا نورتي المنتدى يازينب وثانيا عندك حق وحقك عليا كمان انا فعلا اسفة بس والله ماخذت بالي اني ماحطتش كلمة منتقول ولاجي على بالي اصلا بصراحة
عموما ولايهمك ياغالية اتفضلي كملي اليوميات هنا ونورتي المنتدى مرة اخرى واكرر اسفي يازينب

انا كملتها بس هيهي طويله اوى
بس جمييييييييييييييييله
تشبه المسلسل
تسلم ايدك يازينب
وشكرا يا ام ريهام انك جبتيهالنا

جميله جدااااااااااا

» يوميات مدرسه اجن من الطلبه
» يوميات عمرو وياسمين